ҚР СІМ қазақстандықтарға Израиль мен Ливанға барудан уақытша бас тартуды ұсынады

Қазақстанның Сыртқы істер министрлігі қазақстандықтарға Израиль мен Ливанға барудан уақытша бас тартуды ұсынады, деп хабарлайды Orda.kz   ҚР СІМ баспасөз қызметіне сілтеп.

«Таяу Шығыстағы жағдайдың нашарлауына байланысты ҚР Сыртқы істер министрлігі Қазақстан азаматтарына осы аймақтағы жағдай тұрақтанғанша Израиль мен Ливанға барудан уақытша бас тартуды ұсынады. Қазіргі уақытта осы елдерде жүрген Қазақстан азаматтарына аса қажет болмаса үйлерінен шықпауды, күшейтілген қауіпсіздік шараларын сақтауды, қырағылық пен сақтық сақтауды, соңғы жаңалықтарды қадағалап отыруды, сондай-ақ Сыртқы істер министрлігімен және Қазақстанның Израильдегі және Ливандағы елшіліктерімен байланыста болуды сұрайды» делінген жұма күні хабарламада.

Ақпаратқа сәйкес, қосымша және уақтылы ақпарат алу мақсатында жоғарыда аталған елдер аумағында орналасқан Қазақстан Республикасының азаматтары мен олардың Қазақстандағы туыстары үшін жедел байланыс желілері ашылды.

Қазақстан Республикасы Сыртқы істер министрлігінің байланыстары:

+7 7172 720111 (кезекші дипломат)

+7 705 4433332 (ұялы телефон, WhatsApp)

Қазақстан Республикасының Израильдегі Елшілігінің байланыстары:

+972 (3) 503 78 85 (кезекші)

+972 53 635 19 83 (ұялы телефон, WhatsApp)

Қазақстан Республикасының Ливандағы Елшілігінің байланыстары:

+ 961 04 713 447 (кезекші)

+ 961 70 069 977 (ұялы телефон, WhatsApp)

+ 961 71 116 004 (ұялы телефон, WhatsApp)