ҚПО Қазақстанға қоршаған ортаны ластағаны үшін 740 млн төледі

«Қарашығанақ Петролеум Оперейтинг Б.В.» компаниясы Қазақстанға қоршаған ортаны ластағаны үшін 740 млн теңге төледі, деп хабарлады Orda.kz.

Батыс Қазақстан облысының прокуратурасының мәліметіне қарасақ, компания 328-бап – «Қоршаған ортаға рұқсат етілген антропогендік нормаларын бұзу» бойынша әкімшілік жауапкершілікке тартылды. Жалпы сомасы 739 568 808 теңге айыппұл толығымен өндірілді.

«Біз жалпы көлемі 264 тонна болатын, қоршаған ортаны ластайтын артық төгілген қалдықтарды анықтадық»,  деп түсіндірді қадағалау органы.

«Қарашығанақ Петролеум Оперейтинг Б.В.» – Батыс Қазақстан облысындағы Ақсай қаласының маңындағы Қарашығанақ мұнай-газ конденсаты кен орнын игерумен айналысатын компания.