«Көз жұмған 10 жасөспірім, жарақат алған 180 адам»: Мопед және жол апаты 

2024 жылдың басынан бері Қазақстанда мопедтер соғылған 154 жол-көлік оқиғасы тіркеліп, 10 жасөспірім қаза болды.

Бұл туралы ішкі істер министрлігінің ресми өкілі Шыңғыс Әлекешев мәлімдеді.

Бұл оқиғалар салдарынан 10 жасөспірім қайтыс болып, 180-і жарақат алды. Әлекешевтің айтуынша, мопедтер санының өсуі және жол ережелерін сақтамау қайғылы апаттардың жиілеуіне себеп болып жатыр. Полицейлер ата-аналарды балаларын мұқият бақылауға шақырды.

15 мамырда Мәжіліс мопед жүргізушілеріне қойылатын талаптарды күшейтетін «Жол қозғалысы туралы» заңға өзгерістер енгізді. Болашақта барлық мопедтер көлік құралдары ретінде саналады және оларды басқару үшін А1 санатындағы жүргізуші куәлігі қажет болады.

Еске сала кетейік, Orda.kz бұған дейін Елордада  800-ден астам мопедші жауапкершілікке тартылғанын жазған болатын.