Костенко шахтасындағы төтенше жағдай: Тоқаев кеншілер отбасымен не туралы сөйлесті
«АрселорМиттал Теміртау» компаниясы үкіметпен және кәсіпорынмен ынтымақтастығы жағынан тарихымыздағы ең нашар компания болып шықты. Бұл туралы Мемлекет басшысы Қасым-Жомарт Тоқаев Костенко атындағы шахтадағы өрт салдарынан қаза болған және зардап шеккен кеншілердің отбасыларымен кездесуі барысында айтты, деп хабарлайды Orda.kz Ақорданың баспасөз қызметіне сілтеме жасап.
Мемлекет басшысы ең алдымен жиналғандарға көңіл айтып, қаза болғандар мен зардап шеккендердің отбасыларына жан-жақты көмек көрсетілетініне уәде берді.
«Мен өз атымнан және үкімет атынан қайғырып көңіл айтамын. Бұл қайғылы жағдай. Мен бәрін түсінемін, сондықтан мен мұнда арнайы келдім. Біз шара қолданамыз, соның ішінде зардап шеккендер отбасыларына көмек көрсетуге тапсырма бердім. Қайтыс болғандар мен зардап шеккендердің отбасылары ештеңеге мұқтаж болмас үшін үкімет, әкімдік және қайырымдылық ұйымдары арқылы жан-жақты көмек көрсетіледі», - деді Тоқаев.
Президент 29 қазан жалпыұлттық аза тұту күні болып жарияланғанын айтып, сонымен қатар «АрселорМиттал Теміртау» компаниясына қатысты тиісті шаралар қолданылатынына сендірді.
«Мен «АрселорМиттал Теміртау» компаниясымен инвестициялық ынтымақтастықты тоқтату туралы тапсырма бердім. Бұл үкіметпен және кәсіпорынмен ынтымақтастық тұрғысынан тарихымыздағы ең нашары болды. Енді кәсіпорынның өзіне шара қолдану туралы ойлану керек», - деді Тоқаев.
Сондай-ақ ол кәсіпорынды басқаруға бұрын «АрселорМиттал» компаниясында жұмыс істеген, Қарағанды облысы әкімінің орынбасары болған Вадим Басинді тағайындағанын айтты.
«Кәсіпорынның қазіргі басшылығы жаңарады», - деді Тоқаев.
Президенттің айтуынша, қазіргі кездегі басты міндет – шахтада қалған кеншілерді құтқару, сондай-ақ зардап шеккендер мен қаза болғандардың отбасыларына көмек көрсету.
«Біріншісі – құтқару жұмыстары. Екіншіден, зардап шеккендер мен емдеуді қажет ететіндердің нақты санын анықтау керек. Үшіншіден, осындай апатқа байланысты зардап шеккен барлық отбасыларға материалдық көмек көрсетеміз. Қажет болса арнайы қор құрылады, мен мұны өзім қолға аламын», - деді ол
Сондай-ақ мемлекет басшысы қазір кеншілерді зейнеткерлікке шығарудың жаңа тәсілдері қарастырылып жатқанын айтты.
Қазір Төтенше жағдайлар министрлігі қаза тапқан 28 адамның денесі табылып, 18 кеншіні іздеу жұмыстары жалғасып жатқанын хабарлады.
Жаңалықтар
- Министр: Тұрғын үй бағасының зейнетақы жинағына қатысы жоқ
- Әскерде зорландым деп ақша жинаған адам сотталды
- Енді темекі шегетіндер өкпе обырына тегін тексеріле алады
- Тамыздан бастап Қазақстанда не өзгереді: Жүргізуші куәлігі, жаңа сайлау
- Махамбет Өтемісов атындағы университеттің ректоры ұсталды деген ақпарат тарады
- Дастан Сәтпаев «Челси» сапында дебют жасады
- 31 жастағы ер адам 74 жастағы әйелді пышақтап өлтірді
- Астанада өз бетінше автобус жуып жүрген жігіттің әрекеті мемге айналды
- Нұрай Серікбайдың ісі: Сот алқабилерсіз өтуі мүмкін, жәбірленуші тарап тікелей эфир талап етті
- Жаңа талап: Жүргізуші куәлігін жарамсыз етуге қандай негіз бар?
- Қорапқа салып берді: Жаңа туған үшем Алматы облысындағы ауруханада шетінеп кетті
- Қазақстан қорықтарында 19 орман өрті тұтанды
- Трамп Канададан келетін тауарларға 50 пайыздық баж салығын енгізді
- Тоқаев Испания құрамасын футболдан әлем біріншілігіндегі жарқын жеңісімен құттықтады
- ӘЧ-2026: Испандар жеңісі үшін гауһар тасты 30 алтын жүзік алады
- Павлодар облысында құдыққа түскен алты адам қаза тапты: Марқұмдардың ең жасы 16 жаста
- Әлем чемпионаты – 2026: Турнирдің үздіктері анықталды
- Месси мен Роналду дәуірі аяқталды: 2026 жылғы әлем чемпионаты несімен есте қалды?
- Ескертуге қарамастан КҚК теңіз терминалындағы мұнай танкеріне тағы шабуыл жасалды
- Венесуэладағы жер сілкінісі құрбандарының саны бес мыңнан асты
