Костенко атындағы шахтада жарылыс болды: бұл АМТ нысандарындағы бір жылдағы бесінші қайғылы оқиға

Костенко атындағы шахтада жарылыс болды: бұл АМТ нысандарындағы бір жылдағы бесінші қайғылы оқиға.

Костенко атындағы шахтада 28 қазан күні таңертең жарылыс болды. Қазіргі уақытта 20 адам қайтыс болғаны белгілі. 2022 жылдың қарашасынан бері бұл «АрселорМиттал Теміртау» нысандарындағы адам өлімімен аяқталған бесінші қайғылы оқиға. Orda.kz тілшісі қазақстандықтардың өмірін жалмап жатқан АМТ кәсіпорындарындағы оқиғалардың жан түршігерлік хроникасын жинады.

Костенко атындағы шахтада бүгін таңғы сегіздер шамасында жарылыс болды.  Бастапқыда жеті кеншінің қаза тапқаны хабарланған, бірақ қазір 21 адам қаза тапқаны белгілі, тағы 23 адам әлі карьерде жатыр. Жарылыс кезінде жер астында барлығы 252 кенші болған.

Президент Қасым-Жомарт Тоқаев қаза болған кеншілердің туған-туыстары мен жақындарына көңіл айтып, оларға қажетті көмек көрсетуді тапсырды.

Ең бастысы, Тоқаев үкіметке «АрселорМиттал Теміртау» компаниясымен инвестициялық ынтымақтастықты тоқтатуды тапсырды.

Қазірдің өзінде АМТ акционерлерімен кәсіпорынның меншік құқығын Қазақстан Республикасына беру туралы алдын ала келісім жасалды.

АМТ-мен ынтымақтастықты тоқтатып, компания нысандарын мемлекет меншігіне беру қажет екендігі соңғы жылдары талай рет айтылды. Бұған себеп те көп болды – тек соңғы 12 айда кәсіпорынның шахталарында төрт адам өлімімен аяқталған апат болды.

17 тамызда «Қазақстан» шахтасында өрт шығып, бес адам қаза тапты. Өртті әлі сөндіру мүмкін емес. Содан кейін AMT өкілдері өз нысандарындағы қауіпсіздікті барынша арттыруға уәде берді.

5 қаңтарда «АрселорМиттал Теміртау» компаниясына қарасты № 2 қаңылтыр прокат цехының химиялық қалпына келтіру блогында мердігер ұйымның қызметкері ток соғып, қайтыс болды.

2022 жылдың 8 желтоқсанында АМТ металлургиялық зауытының кокс-химиялық өндірісінде газ қызметкері қайтыс болды.

2022 жылдың 3 қарашасында Ленин атындағы шахтада метанның бөлінуі болып, салдарынан бес кенші қаза тапты.

Жалпы, «АрселорМиттал Теміртау» компаниясының Қазақстандағы көмір және металлургиялық нысандары болған 28 жыл ішінде 140-тан астам адам қаза тапты. Бұл туралы Orda.kz өткен жылы Ленин атындғы шахтадағы қайғылы оқиғадан кейін ғана егжей-тегжейлі жазған болатын. 

2000 жылдары кәсіпорындарда ірі апаттар болды.

2004 жылы «Шахтинск» шахтасының  қабырғасында газ жарылып, 23 кенші қаза тапты.

2006 жылы АМТ нысандарында ең ірі апат болды, бұл да Қазақстан тарихындағы шахталардағы ең ірі қайғылы оқиға. Ленин атындағы шахтадағы метан жарылысынан 41 адам қайтыс болды.

2008 жылы Саран маңындағы «Абай» шахтасында жарылыс болып, 30 кенші қаза тапты.

Бүгінгі қайғылы оқиға Костенко  атындағы шахтада болып, зардап шеккендер саны әлі де анықталып жатыр.