Костенко атындағы шахтада қаза болғандар саны 35 адамға жетті

Қарағанды ​​облысындағы Костенко атындағы шахтадағы жарылыстан кейін  29 қазан күні таңертең 29 мәйіт жер бетіне шығарылды.

ҚР Төтенше жағдайлар министрлігінің 29 қазан күні сағат 9:00-дегі мәліметі бойынша 35 адамның мәйіті табылды, оның 29-ы жер бетіне шығарылды, 11 кеншіні іздеу жұмыстары  белсенді түрде жүргізіліп жатыр.

Апаттық-құтқару жұмыстарына «Кәсіби әскерилендірілген апаттық-құтқару жұмыстары қызметі» ЖШС Республикалық орталық штабы Қарағанды ​​филиалының 10 тау-кен-құтқару бөлімі жұмылдырылған.

Газ жағдайына бақылау жалғасуда.

Қарағанды ​​облысында 28 қазанда  Костенко атындағы шахтада жарылыс болды.

Оқиға орнына Президент Қасым-Жомарт Тоқаев барды. Ол зардап шеккен және қаза тапқан кеншілердің отбасыларымен кездесті.

Бұған дейін мемлекет басшысы «АрселорМиттал Теміртау» компаниясымен ынтымақтастықты тоқтатуды тапсырған болатын. Қазіргі уақытта «АрселорМиттал Теміртау» АҚ меншік құқығын Қазақстанның пайдасына беруді түпкілікті құқықтық ресімдеу бойынша жұмыс жүргізілуде.