Қостанайлық тұрғын медицина автокөлігін ұрлады

19 қыркүйек түнінде Қостанай қаласында белгісіз ер адам медицина автокөлігін ұрлады, деп хабарлайды Orda.kz.

Автокөлік тұрғын үйдің ауласынан ұрланды. Ал полиция қызметкерлері бейнебақылау камералары арқасында күдіктінің кім екенін анықтап, ол қала орталығында ұсталды.

«Ұстап жатқанда 39 жастағы жүргізушіден алкогольдің өткір иісі шықты. Алайда ол медициналық тексерістен бас тартты», деп хабарлады ҚР ІІМ баспасөз қызметі.

Сот істі қарағанда полицияның заңды талаптарын орындамағаны үшін күдіктіге 15 тәулікке қамауға алу жазасын тағайындады.

Сонымен қатар, ол сегіз жыл мерзімге көлік жүргізу құқығынан айырылды.

Ал автокөлікті ұрлағаны үшін 2 жылға дейін бас бостандығынан айырылу жазасы қарастырылып жатыр.