Қостанайлық қара майнерлер құны 1,3 миллион доллар болатын криптовалютаны заңсыз сатқан

Қостанай облысы бойынша ҚМА департаменті криптовалюта заңсыз айналымына қатысы бар деген күдікке ілінген облыс орталығының екі тұрғынына қатысты сотқа дейінгі іс жүргізуді бастады.

ҚМА баспасөз қызметінің хабарлауынша, қостанайлық екі «қара кенші» 2020 жылдан бастап крипто биржаларында цифрлық активтерді заңсыз сатумен айналысқан.

Клиенттерді тарту үшін олар өздерінің криптовалюта алмасу веб-сайттарын ашты.

«Қамтамасыз етілмеген цифрлық активтерді сатудан түскен заңсыз кіріс шамамен бір миллион 350 мың доллар болды. Күдіктілердің мүлкі мен крипто биржасының есепшоттарындағы қаражат тәркіленді» деп хабарлады ҚМА.

Тінту кезінде күдіктілерден жүйелік блоктар, ноутбуктер, криптовалюта айырбастау қосымшалары бар ұялы телефондар және басқа да заттай айғақтар тәркіленді.

Тергеу жалғасып жатыр.