Қостанайда жол жөндеу жұмыстары бақандай бес жылға созылды

Жергілікті тұрғындар Қостанай әкімдігінің тұрғын үй-коммуналдық шаруашылық бөліміне хабарласқаннан кейін ішінара жөндеу жұмыстары басталған, бірақ көп өтпей жолдың жағдайы қайтадан нашарлады, деп хабарлайды Orda.kz Наша газета басылымына сілтеме жасап.

Әл-Фараби даңғылы 141/1-6 мекенжайындағы тұрғын үйлер арасындағы жолды жөндеу жұмыстары бесінші жыл қатарынан жүргізіліп жатқанына тұрғындар наразы. 

Оның үстіне биыл да өткен жылдардағыдай жол ешбір дайындықсыз жөнделіп жатыр: бұрын су басқан, жаңбырдан кейін кеуіп қалған жерге суық асфальт төселген.

Бұлай жөнделген жолды қыс пен көктемгі су ағыны қайтадан шайып кетеді, деп ашулы жергілікті тұрғындар.

«Содан кейін жол тұтас батпаққа айналады, адамдар не өте алмайды, не жете алмайды. Тұрғын үй-коммуналдық шаруашылықтың су сорғышы келіп, бір мезгілде 3-4 көлікпен сорып, бір жаққа алып кетеді. Судың көптігі сонша, бұл жерде су сорғыш көліктер апталап тұрады. Бұл жерде жаяу жүргіншілер жолы да жоқ, бірақ ол Әл-Фараби даңғылы деген дардай аты бар», - дейді тұрғын Анатолий Чернушка ашуланып. 

Жергілікті тұрғындардың айтуынша, жолды қиратып жатқан ірі көліктер.  

Бүгінде 141/1-6 үйлердің арасына қиыршық тас төселіп, жолдың басқа бөліктері – вокзал жағы мен № 141/13 үй маңы асфальтталған.

Жылдар бойы мәселе шешімін таппағандықтан, халық БАҚ өкілдерінің көмегіне жүгінуге мәжбүр болған.

Наша газета басылымының сауалына Қостанай қаласы әкімдігінің тұрғын үй-коммуналдық шаруашылық, электрмен жабдықтау және АЖ бөлімі басшысының орынбасары Алтынбек Қайратұлы «асфальт төсеу жұмыстары 2025 жылға арналған жұмыс жоспарына енгізіледі және ол бюджет қаражатының бөлінуіне байланнысты» деп жауап берген.