Қостанайда терроризмді насихаттаған жергілікті тұрғын ұсталды

Қостанайда 30 жастағы жергілікті тұрғын БАҚ арқылы діни араздық тудырғаны үшін ұсталды.

Бұл туралы ішкі істер министрлігі хабарлайды.

Қостанайлық радикал БАҚ арқылы терроризмді насихаттағаны үшін 12 жылға, ал діни араздық қоздырғаны үшін 7 жылға дейін бас бостандығынан айырылуы мүмкін. Қостанай облысы ПД экстремизмге қарсы күрес басқармасының қызметкерлері жедел іздестіру іс-шаралары барысында 30 жастағы жергілікті тұрғынды ұстады.

«Радикалды діни идеологияcын ұстана отырып, ол өз ортасы мен әлеуметтік желілерде өзге дін өкілдерінің азғындығын насихаттайтын және діни негіздегі зорлық-зомбылыққа шақыратын материалдарды таратқан», – деді департамент басшысы міндетін атқарушы Сәбит Ыбырайымов.  

 Сондай-ақ ол бұл факті бойынша сотқа дейінгі тергеу басталғанын атап өтті. Қазіргі уақытта қажетті тергеу амалдары жүргізілуде. Күдікті қамауға алынды.