Қостанайда Ресей мен Қазақстан арасындағы соғыс туралы жалған ақпарат таратқан ер адам сотталды

Қостанайда Ресей мен Қазақстан арасындағы соғыс туралы жалған ақпарат таратқан ер адам сотталды, деп хабарлайды Orda.kz порталы KazTag-қа сілтей отырып.

«Қостанайдың Федоров тас жолында Қазақстан шекарасында Қарабалық шекарашылары арасында қақтығыс болды. Ресей жағы бірдеңе істеді, атып тастадық дейді. Міне, олар сонда барады. Сұмдық, Қостанайда соғыс басталды» деп пікір жазған WhatsApp желісіндегі топтық чатқа жіберген видеода. 

Видеода әскери техника тізбегі көрсетілген. Ішкі істер министрлігі бұл жалған деп жауап берді. Шындығында, бұл атыс жаттығуы үшін полигонға кетіп бара жатқан Қазақстан Республикасы Ұлттық ұланының әскери бөлімінің техникасы болатын.

Видео YouTube желісіне де шықты. Соғыс басталды деген хабар жұртшылықтың наразылығын тудырды.

52 жастағы Қостанай тұрғыны өз кінәсін мойындап, жасаған әрекетіне өкінді. Іс сотта қысқартылған тәртіпте қаралды.

Сот қостанайлық тұрғынға белгілі бір міндеттер жүктей отырып, жазаның барлық мерзіміне пробациялық бақылау орнату арқылы 1 жылға бас бостандығынан айырды.