Қостанайда науқас соққыға жығып, жансақтау бөліміне «аттандырған» хирург есін жиды

Науқастардың бірі шабуыл жасаған Қостанай облыстық ауруханасының дәрігері Антон Кистанов жансақтау бөлімінен неврология бөліміне ауыстырылды, деп хабарлайды Orda.kz. 

Антон Кистанов қазір Астанадағы Ұлттық жедел медициналық үйлестіру орталығында ем алып жатыр. Дәрігерлер хирургтың жағдайы жақсарып келе жатқанын айтты. Әрі оның адамдармен сөйлесуге шамасы келіпті. Сондай-ақ оған миының ауыр жарақаты бойынша дәрілік ем тағайындалды. 

Айта кетейік, 17 шілде күні Қостанай облыстық ауруханасында науқас хирургты соққыға жыққан еді. Дәрігер жансақтау бөліміне жатқызылды. Бұл жағдайдан кейін Денсаулық сақтау министрі Ақмарал Әлназарова қазақстандықтарға үндеу жасап, медицина қызметкеріне қол жұмсау — қылмыс екенін мәлімдеді.