Қостанайда көп қабатты үйдегі өрттен 15 адам құтқарылды

Қостанайда таңертең «101» пультіне Урицкий көшесіндегі көп қабатты үйдің пәтерінде өрт шыққаны туралы хабарлама келіп түсті, деп хабарлайды Orda.kz.

Оқиға орнына шақыру нөмірінің жоғарылауы бойынша өрт сөндіру жасақтары, жедел-құтқару жасағы және апаттар медицинасы орталығының бригадасы келді.

ТЖМ мәліметінше, өрт бесінші қабатта орналасқан пәтердің ас үйінен шыққан. Кіреберісті тез арада қалың түтін орап алған.

Құтқарушылар күшімен 15 адам, оның ішінде бір бала баспалдақ арқылы құтқарылды. Қаза тапқандар мен зардап шеккендер жоқ.

Өрт шағын алаңда, әрі қарай жайылып кетпей сөндірілді. Тұтану себептері анықталып жатыр.

Шетел жаңалықтарына көңіл бөлсек: Грузияда наразылық акциясын ұйымдастырғандар қамауға алынды, оларға 9 жылға дейін бас бостандығынан айыру қаупі төніп тұр.