Қостанайда кәсіпорын қызметкерлері жыл басынан бері жалақы алмады

Қостанайда ауылшаруашылық тәжірибе станциясының қызметкерлері осы жылдың қаңтар айынан бастап жалақы ала алмай келеді, деп хабарлайды Orda.kz.
«Заречное» ауылшаруашылық тәжірибе станциясының қызметкерлері қаңтар айынан бері жалақы алмады. Кәсіпорын қызметкерлеріне 230 миллион теңгеден астам қарыз болған. Станция қызметкерлері бұрын табысты болған кәсіпорынды әдейі банкроттыққа әкеліп жатыр деп санайды.
Заречный ауылында 20 жылдан астам бұзау баққан жергілікті тұрғын Ләззат Бисенова зейнетке шығуға үш жыл қалғанда жұмыстан кетуге мәжбүр болған. Оның айтуынша, жалақыны ғылыми қызметкерлер де, сауыншылар да алмаған.
«Жаз бойы сүт сатылды, бірақ пайда жоқ деп қалай айтуға болады? Жұмыскерлерге аздап болса да жалақы төлеуге болар еді. Соның нәтижесінде сауыншылар жұмыстан шығып, бұзаулар тек сумен суарылады, сиырлар сауылмайды. 23 миллионға сүт құбыры салынды, бірақ ол кім үшін салынды? Қаңтар айынан бері ақша берілмеді, малшылар жазда жұмыстан шығып кетті. Сиырлар жаз бойы қоршауда тұрып, салмақ жоғалтты, ал буаз сиырлар сол жерде бұзаулады, бұл қорқынышты көрініс, әрине. Мал шаруашылығын осындай күйге түсірдік! Сауыншы жоқ, сиырларды сатамыз дейді, ал бұндай арық малды кім алады?»,деп Ләззат Бисенова наразылығын білдірді.
Кәсіпорын директоры денсаулығының нашарлығына және инсульт алғанын сылтауратып, түсініктеме бермей кетті. Сонымен қатар, еңбек инспекциясы департаментінің басшысы Ерлан Темірхан «Заречное» кәсіпорны қызметкерлердің құқықтарын жүйелі түрде бұзатынын мәлімдеді.
«Кәсіпорын жалақы төлеуді үнемі кешіктіреді. Жыл сайын біз мұнда кәсіби бақылау жүргіземіз. Биыл төрт тексеру жүргізілді. Нәтижесінде қарызды өтеуге міндеттелген басшы жауапқа тартылды. Қазіргі уақытта бізде үш өтініш бар, олардың бірі — ұжымдық. Тексеру барысында барлық қажетті шаралар қабылданады. Тұрақты айыппұлдар кәсіпорынға қосымша ауыртпалық түсіреді», деп атап өтті Темірхан.
Қостанай облысының әкімдігі қызметкерлерге барлық жағынан қолдау көрсететінін айтып, келіссөздерден кейін кәсіпорын қарыздың бір бөлігін (125 миллион теңге) 25 қарашаға дейін өтеуге уәде бергенін хабарлады.
«Жыл соңына дейін жалақы бойынша қарызды жабу мүмкіндігі бар. Бұл мәселе заңнамалық және «ҰАҒБО» деңгейінде қарастырылып жатыр. Бірнеше жылдар бойы кәсіпорында кредиторлық қарыз жиналып, астық уақытында сатылмаған, оңтайландыру жүргізілмеген. Себебі кәсіпорын шағын, ал ұжымда 200 адам бар»,деп Қостанай ауданы әкімінің орынбасары Қайрат Әбішев түсіндірді.
Алайда, билік пен кәсіпорын басшылығының уәделеріне Заречный тұрғындары сенбейді. Олар болашақта жалақыдан ғана емес, жұмыс орындарынан да айрыламыз деп қорқады.
Жаңалықтар
- Диско-бар, караоке және бильярд: Мәсімовтің үйінен қандай қызық нәрселер табылды
- «Кінәсізбін!»: Арыстанбек Мұхамедиұлы түрмеде аштық жариялады
- Шымкентте бұрынғы судья ақша жымқырғаны үшін сотталды
- 19 жыл бұрын тапсырыспен өлтірілген Алтынбек Сәрсенбаевтың өлімінде жауапсыз қалған сұрақтар мен Ақорданы массондармен не байланыстырады?
- ҰҚК қызметкері есірткі таратқаны үшін ұсталды
- Полиция Атырауда көз жұмған бес жастағы қыздың өлімін тергеп жатыр
- «Құмар ойын және әскерилер»: Бәс тіккен бір гарнизондағы 120 әскери адам
- Қазақстан билігі Стати ісінен Құлыбаевтың ақшасымен құтылды ма?
- Дастан Сәтбаев ресми түрде «Челси» клубының ойыншысы атанды
- «Дәрігерлер кешікті, аппарат істемеді»: 5 жасар қыздың азапты өлімі
- Си Цзиньпин пен Тоқаев мамырда Мәскеуге барады
- «Дәретхана қағазына оралған»: Қоқыстан нәрестенің мәйіті табылды
- Атырауда ер адам туысын бөлшектеп өлтірген
- Ресейдің Қазақстанға көзқарасын әшкерелеген құпия құжат жарияланды
- 50 мың теңгелік диплом: Ақтөбеде колледж директоры құрықталды
- Атырауда әкімдік ауласын сыпыратын адам зардап шегіп, қылмыстық іс қозғалды
- Ақтөбе облысында қылмыстық топ заңсыз онлайн-казино ұйымдастырған
- Кәрім Мәсімовтің үйі сатылымға шықты
- Аралдың солтүстігінде су мөлшері көбейді
- Кенесары хан үшін кешірім сұраған қырғыз әншісіне қылмыстық іс қозғалды