Қостанайда экс-судья сотталды

Қостанайда экс-судья тоғыз жылға бас бостандығынан айырылды.

Қостанай облыстық сотының әкімшілік алқасының бұрынғы төрағасы Асқар Дарбаев 19 миллион теңге көлемінде пара алғаны үшін сотталды.

Қостанай қаласының № 2 сотында үкім жарияланды, сот отырысы ашық режимде өтті. Айыптаушы сотта кәсіпкер Елжас Қалқаев болған, ол арқылы басқа кәсіпкерден, іс материалдарына сәйкес, экс-судья пара алған.

Жарыссөзде прокурор бұрынғы судьяны 10 жылға бас бостандығынан айыруды талап етті.

«Қазақстан Республикасы Қылмыстық кодексінің 366-бабының 3-бөлігінің 3-тармағында көзделген қылмыстық теріс қылық жасағаны үшін кінәлі деп танылып, өмір бойына мемлекеттік қызмет атқару құқығынан айыра отырып, 9 жыл мерзімге бас бостандығынан айыру жазасы тағайындалсын.Дарбаев қылмыстық-атқару жүйесінің қауіпсіздігі орташа мекемесіне ауыстырылсын», - деді Қостанай қаласының  №2 сотының судьясы Мерей Аманжолов. 

Сот кәсіпкер Елжас Қалқаевты бір жылға бас бостандығынан айыру жазасын жалпы режимдегі колонияда өтеу туралы үкім шығарды. Сот залында оның қолына кісен салынды.

Соттың үкімі заңды күшіне енген жоқ.

Еске салайық, биыл тамыз айында Қостанайда  2022 жылы тамызда 19 миллион теңге пара алу кезінде ҰҚК қызметкерлері ұстаған облыстық соттың әкімшілік істер жөніндегі алқасының бұрынғы төрағасы Асқар Дарбаевқа қатысты істі қарай бастаған болатын. 

Сондай-ақ, сот отырысында кәсіпкер Елжас Қалқаев болды. Тергеу мәліметтері бойынша, Дарбаев ол арқылы өткен жылы ұсталғанға дейін ісін қараған жәбірленуші кәсіпкерден 40 мың доллар бопсалаған.

Бұған дейін Дарбаевтың тергеу барысында қамауға алынғаны, Қалқаев бостандықта жүргені хабарланған болатын. Бірінші сотталушы кәмелетке толмаған үш баласы бар болғандықтан, бұлтартпау шарасын өзгертуді сұрады. Экс-судьяның қорғаушысы Қылмыстық іс жүргізу кодексін көптеген бұзушылықтарға байланысты істі прокурорға қайтаруды талап етті. Судья Мерей Аманжолов бұған дейін сотталушының екі өтінішін де қанағаттандырмады.