Қостанайда есірткі таратқан студент 11 жылға сотталды 

Қостанай облысында есірткі таратқан екі адам ұсталды, деп хабарлайды Orda.kz. 

ІІМ мәліметтеріне қарасақ, олардың бірі — дене шынықтыру факультетінің 4-ші курс студенті. Олардың жалдамалы пәтерін тінту кезінде полиция 4 келіден астам синтетикалық есірткі — «а-PVP» тәркіледі. Сонымен қатар, тінту барысында электронды таразылар, 240 мини-магнит, электр таспасы, фольга және есірткі заттарын орауға арналған басқа да құралдар табылды.

Тәркіленген есірткі партиясының қара нарықтағы құны шамамен 100 млн теңге болады. Осылайша полиция 15 мыңнан астам есірткі дозасының айналымға жіберілуіне жол бермеді.

Есірткі заттарын көп мөлшерде таратқаны үшін екі күдікті де 11 жылға бас бостандығынан айырылды.

Сот үкімі заңды күшіне енді.