Қостанайда ер адам өзін өртеп жіберді

Қостанайда ер адам жанар-жағармай құйып, өзін өртеді, деп хабарлайды Orda.kz. 

Қостанай облысының полиция басқармасының мәліметінше, бұл жағдай 21 сәуір күні түнде болған. 

Ер адам көлік ішінде өзіне жанар-жағармай құйып, есігін жауып от қойды. Кейін ер адам жалынға оранған көлік ішінен шығып жүгіре жөнелді. Сол маңдағы адамдар өртті сөндіруге көмектесті. Бейнежазбада ер адамның қызбен сөйлескенін байқауға болады. Қыз өзін өртеуге оқталған жігітті көндіруге тырысқаны көрінеді.

Полиция сотқа дейінгі тергеуді бастады.

Айта кетейік, қаңтар айында Таразда тұрғын өзін өртеп жіберген еді.