Қостанайда автобустан жығылған зейнеткер 700 мың теңге өндіріп алды

Қостанайда автобустан жығылған зейнеткер тасымалдаушыдан 700 мың теңге өндіріп алды, деп хабарлайды Orda.kz қалалық соттың баспасөз қызметіне сілтеме жасап.

Биыл наурыз айында аялдамадан жүргізуші автобустың есігі ашық тұрғанына қарамастан жүріп кетіп,  салдарынан қарт әйел жығылған болатын. Зейнеткер орташа дәрежедегі дене жарақатын алды. Тергеу жүріп жатқан уақыт аралығында автобус жүргізушісі қайтыс болды. Бұдан кейін жәбірленуші моральдық шығынды өтеуді талап етіп, жүргізуші жұмыс істеген жауапкершілігі шектеулі серіктестіктің басшысына жүгінген.

«Қолданыстағы заңнамаға сәйкес кез-келген зардаптың орнын толтыру міндеті заңды тұлғаға немесе жекелеген азаматқа жүктеледі. Оның денсаулығына зиян қандай санатта тисе де өтелетін болады. Өйткені жоғары жылдамдықпен келе жатқан көлік қауіпті», — деп түсіндірді сот.

Нәтижесінде сот ЖШС-нен моральдық зиянды өтеу ретінде жәбірленушінің пайдасына 700 мың теңге өндіру туралы шешім қабылдады.