Қостанайда әйелі мен енесін қатыгездікпен өлтірген ер адам 19 жылға сотталды

Қостанай облысында өз әйелін және енесін аса қатыгездікпен өлтірген ер адам 19 жылға бас бостандығынан айырылды, деп хабарлайды Orda.kz.

Қылмыстық іс Қостанай облысының мамандандырылған ауданаралық сотында қаралды. Тергеу дерегінше, айыпталушы үйінде болған жанжал кезінде әйеліне және енесіне бірнеше рет пышақ сұғып, оқиға орнынан қашып кеткен. Екі әйел де алған жарақаттарынан сол жерде көз жұмған.

Сот ер адамды Қылмыстық кодекстің 99-бабының 2-бөлігі, 5 және 13-тармақтары бойынша — «аса қатыгездікпен екі адамды өлтірді» деген айыппен кінәлі деп таныды.

Сот хабарламасында: «Сотталушының жеке басы мен қоғамға қауіптілік дәрежесі ескеріліп, оған 19 жылға бас бостандығынан айыру жазасы тағайындалды. Жазасын орташа қауіпсіздік мекемесінде өтейді» деп жазылған.

Процесс кезінде айыпталушы кінәсін жартылай мойындады. Сонымен қатар, сот жәбірленушілердің туыстарының моральдық өтемақы туралы талабын қанағаттандырды.