Қостанай облысындағы мекемелердің бірінде жарылыс болды

Қостанай облысы Амангелді ауылындағы мәдениет үйінде жарылыс болды, деп хабарлайды Orda.kz.

Амангелді ауылында мәдениет үйінің жеке тұрған қазандығында жарылыс болып, ғимарат опырылды.

Құтқарушылар 1969 жылы туған ер адамды үйінділер астынан шығарып, оған жедел медициналық жәрдем көрсетті. Куәгерлердің айтуынша, ғимаратта басқа адамдар болған жоқ.

Оқиға орнында ТЖМ құтқарушылары мен полиция қызметкерлері жұмыс істеп жатыр.