Қостанай облысында төтенше жағдай жариялау сұралды

Қостанай облысының диқандары төтенше жағдай жариялауды сұрайды. Толассыз жауған жаңбыр кесірінен олар екі аптадан бері егін жинауға кірісе алмай отыр.

Бұл туралы Orda.kz тілшісі хабарлайды.

Толассыз жауған жаңбыр кесірінен бидай көктеп шығып, әрі қарай піспей қалған, мал азығына ғана жарайды. Қостанайлық аграрийлердің айтуынша,  мұндай егін науқаны кеңес заманынан бері болмаған.

Көктемде тапшы болған жаңбыр тамыз айының аяғында басталып, әлі  толастамады. Осы уақытқа дейін облыста дәнді дақылдардың 23 пайызы ғана жиналса, өткен жылы осы уақытта 50 пайыздан астамы жиналған еді. Астықтың мал азығына жұмсалатыны қазірдің өзінде белгілі болғанымен, оны да жинау керек, бірақ әзірге ауа райы мүмкіндік бермей отыр.

«Дәннің пісу кезеңіне келсек, әсіресе мамыр айында дақылдардың пісетін уақыты өтіп кетті. Бірақ толассыз жауған жауын-шашын кері әсерін тигізуде.  Биохимиялық процестер қазірдің өзінде жүріп жатыр. Дән жетілмей төгіліп немесе көктей қатып қалды. Облыстың солтүстігі мен оңтүстігідегі жағдай тіпті түсініксіз», -  дейді «Заречное» ауылшаруашылық тәжірибе станциясының төрағасы Рүстем Мүлдатаев.

Шаруалар төтенше жағдай енгізуді сұрайды. Олар мұндай жағдайды мемлекеттің қолдауынсыз шеше алмаймыз деп есептейді.

«Төтенше жағдай жариялау керек, мұндай апатты жағдай есімізде жоқ. Мына астықтан ұн тартуға немесе пайдалануға келмейді. Одан жақсы нан жасау мүмкін емес, ол тек жемге жарамды. Сату мен өзіндік құн арасындағы айырмашылықты мемлекет субсидиялауы қажет. 100 000 теңге болса, бүгін құны 80 000, біз 60 000 сатамыз. Ал шаруалардың алған несиелерінің барлығын 22 пайыз емес, 6 пайызбен ұзарту керек. Бұл ресурстарды кеңейту керек»,-  деп есептейді диқан Александр Бородин.

Жауын-шашынның алдында жиналған астықтың сапасы да бұдан ерекшеленбейді, өйткені ол құрғақшылық кезінде себілген. Шаруалар келесі жылы тұқым тапшылығы мәселесіне тап болатындарын айтып отыр.

«Астық көктеп, төгілу қаупі зор болғанымен қоймай, тағы жаңбыр толастамады. Бұдан былай қар жауса, далаға шығу да қиындайды. Қатты алаңдап отырмыз. Біз жинап алатын астықтың түрі осы, сапасы өте нашар. Осы астықты қабылдау мәселесін азық-түлік корпорациясына шешіп беруді сұраймыз. Бүгінгі таңда жемдік астықты толықтыруға ғана мүмкіндік бар.  Өйткені мал шаруашылығын қолдауға жағдайлар бар. Элеваторлар көктеп шыққан астықты қабылдамайды. Ылғалға байланысты үлкен мәселе бар. Элеваторлар сол жылдың астығымен әлі тұр.  Енді шаруа не істеуі керек?», -  дейді «Азия Алтын» серіктестігінің негізін қалаушы Светлана Михайленко.

Ауыл шаруашылығы басқармасы ауа райына байланысты астық жинауды тоқтатуға тура келгенін растады. Бірақ төтенше жағдайларды енгізу туралы айту әлі ерте, дейді ведомство өкілдері.

Қазірге дейін 1 миллион 15 мың гектар дәнді дақыл жиналды, өнімділік гектарына 9,1 центнерден болып отыр.