Қостанай облысында лаңкестікке қарсы оқу-жаттығулар өтіп жатыр

Қостанай облысындағы Боровское кенті аумағында лаңкестікке қарсы оқу-жаттығулар өтіп жатыр.

Бұл туралы Қостанай облыстық терроризмге қарсы күрес жөніндегі жедел штаб хабарлады.

«2024 жылдың 18 сәуірінде Боровское кенті аумағында Меңдіқара аудандық терроризмге қарсы күрес жөніндегі жедел штабы лаңкестікке қарсы оқу-жаттығуларды өткізеді. Іс-шараның мақсаты террористік сипаттағы қауіп-қатер кезінде құқық қорғау және арнайы мемлекеттік органдардың күштері мен құралдарының практикалық дағдыларын дамыту, сондай-ақ терроризм актісі салдарын барынша азайту және жою» делінген хабарламада.

Штабта түсіндірілгендей, өтіп жатқан іс-шараларға байланысты Летунова-Королева-Тұрсынбай батыр көшелерінде көлік қозғалысын шектеу шаралары жүргізілуде.

«Азаматтардан сабыр сақтап, оқу-жаттығуларға қатысқан құқық қорғау органдары қызметкерлерінің заңды талаптарын орындауды сұраймыз, сондай-ақ жақын арада бұл аумақта болудан және қозғалудан бас тартуды сұраймыз» делінген хабарламада.