Қостанай облысында кәсіпкер келіншек 1 млрд теңгеге жуық ақша жымқырған

Қостанайда  кәсіпкер келіншек ірі мөлшерде алаяқтық жасады деген күдікке ілінді, деп хабарлайды Orda.kz.

Прокуратураның мәліметінше, 2019-2023 жылдар аралығында кәсіпкер вагондарды жеткізуге және жалға алуға, ауыл шаруашылығы өнімдерін сатуға және ауыл шаруашылығы дақылдарын сатып алуға байланысты төрт қылмыстық схема ұйымдастырған. Осы қылмыстық іс нәтижесінде 18 адам 900 млн теңгеден астам мүлкінен айырылды.

Тергеу нәтижесінде кәсіпкер заңсыз жолмен алынған ақшаны бизнес жүргізу үшін жылжымайтын мүлікке салғаны анықталды.

Қылмыстық іс Қостанай қаласының №2 сотына берілді. Сотталушыға 10 жылға дейін бас бостандығынан айыру, сондай-ақ мүлікті тәркілеу және белгілі бір лауазымдарды атқаруға өмір бойына тыйым салу қаупі төніп тұр.