Қостанай облысында екі тұрғын заңсыз жолмен бағалы металдар өндірген

Қостанай облысында екі ер адам  бағалы металдарды заңсыз жолмен тауып, оны өндірумен айналысқан, деп хабарлайды Orda.kz. 

Қостанай облысы Жітіқара ауданының прокуратурасы Аққарға ауылының маңындағы Оңтүстік Тоқтаров кен орнында тіркеусіз және рұқсатсыз бағалы металдарды іздеумен және өндірумен айналысқан ауданның екі тұрғынын анықтады.

 Бас прокуратураның мәліметінше, құқық бұзушыларға қатысты әкімшілік іс қозғалды, олар сотқа жіберілді. Сот заң бұзушыларды кінәлі деп тауып, әрқайсысына 55 380 теңге көлемінде айыппұл салды. Сондай-ақ мемлекет пайдасына жалпы құны 5 миллион теңгеден асатын екі металл іздегіш құрылғы тәркіленді.