Қостанай облысында 19 адамның қаруы тәркіленді

Қостанай облысының прокуратурасы азаматтық қару айналымы туралы заңнаманы қолдануда бұзушылықтарды анықтады.

Бұл туралы ведосмствоның баспасөз қызметі хабарлады.

«Прокурорлық тексеру нәтижесінде 494 тәртіп бұзушы білімін тексеруге жіберілсе, 19 отбасылық агрессорға қатысты қаруды алып қою арқылы рұқсаттардың күшін жою жөнінде шаралар қабылданды» делінген хабарламада.

Заңға сәйкес, отбасы-тұрмыстық қатынастар саласындағы бұзушылықтар қаруды иеленуге берілген рұқсатты қайтарып алуға негіз болуы мүмкін. Алайда, кейбір жағдайда қорғау нұсқамасы болғанымен, рұқсатты қайтарып алу шарасы жасалмаған.

Тиісті бақылауды қамтамасыз етпеген кінәлі лауазымды тұлғалар тәртіптік жауапкершілікке тартылды. Прокуратура осы саладағы заңнаманың сақталуын бақылауды жалғастыруда.