Қостанай облысына Ресейден келген су қауіп төндіріп тұр

Қостанай облысына күннің жылынуы мен Ресейден судың келуіне байланысты қауіп төніп тұр, деп хабарлайды облыстық төтенше жағдайлар департаментінің баспасөз қызметі.

«Біз облыстың оңтүстік өңірлерінде су тасқыны жағдайының күрт нашарлауын, сондай-ақ облыс орталығы мен солтүстігінде күрделі су тасқыны жағдайын болжап отырмыз» деп хабарлады ТЖД.

Қарасу, Әулиекөл, Науырызым, Қамысты, Сарыкөл, Алтынсарин, Сарыкөл, Меңдіқара және Ұзынкөл аудандарына қауіп төніп тұр.

Сондай-ақ Ресей Федерациясынан ірі өзендер бойымен су келеді деп күтілуде, су ағыны өте жоғары, Жітіқара, Денисов, Қостанай, Қарабалық, Федоров аудандары мен Бейімбет Майлин ауданы қауіпті аймаққа жатады.

31 наурыздан бастап облыста ауа температурасы күндіз +20 дейін көтеріліп, аптаның ортасында түнде облыстың солтүстігі мен шығысында жаңбыр жауады деп күтілуде.

Төтенше жағдайлар департаменті әкімдіктерден су тасқыны қаупін азайту, халықты эвакуациялау орындары мен бағыттарын анықтау, сондай-ақ малды шығару, қажет болған жағдайда алдын ала халықты қауіпсіз жерге көшіру бойынша барлық қажетті шаралар кешенін жүргізуді сұрайды. 

Тұрғындар аулаларындағы қарды шығарып, су ағатын арналарды қазулары керек. Ал қазірдің өзінде эвакуацияға дайындалу қажет.

«Егер су басу мүмкіндігі әлі де болса, электр қуатын, барлық жылыту құрылғыларын және т.б. өшіріңіз, қажетті жиһазды, электр жабдықтарын және жеке заттарды жоғарғы қабаттарға немесе шатырларға шығарыңыздар» деп қосты құтқарушылар.