Ақмола облысында науқасқа қарамай кеткен жедел жәрдем қызметкері сотталды

Қосшыда жедел жәрдем қызметкері жүрек талмасы бар науқасты ауруханаға жатқызудан бас тартқаны үшін үш жыл алты айға сотталды. Ол қарамай кеткен соң науқастың денсаулығы нашарлаған, деп хабарлайды Orda.kz.

Сот мәліметтеріне қарасақ, фельдшер науқасты қарамай, ауруханаға жеткізуден бас тартқан.

«Сот мынаны анықтады: фельдшер А.жүрек ауыруына шағымданған науқас үйіне шақырған соң келіп, тиісті медициналық көмек көрсетпеді және науқасты ауруханаға жатқызу үшін ауруханаға жеткізуден бас тартты. Кейіннен науқас медициналық көмек алу үшін ауруханаға өз бетінше баруға мәжбүр болды. Оған жүректің ишемиялық ауруы, миокард инфарктісі, стенттеу, кардиогенді шок, клиникалық өлімнен кейінгі жағдай деген диагноз қойылды»,  деп хабарлады Ақмола облысы Қосшы сотының баспасөз қызметі.

Науқастың жағдайы өте ауыр болды, дәрігерлер клиникалық өлім фактісін тіркеді. Сот отырысы облыстық жедел медициналық көмек станциясының және Қосшы қаласындағы поликлиника қызметкерлерінің қатысуымен өтті.

«Жаза тағайындау кезінде сот кінәлінің жас екенін, қылмыстық құқық бұзушылықты алғаш рет жасағанын назарға алды. А. сот үкімімен медициналық қызмет көрсету құқығынан айырылып, үш жыл алты ай бас бостандығын шектелді»,  деп хабарлады Ақмола облысы Қосшы сотының баспасөз қызметі.