Қосшыда 1,2 млрд теңгелік депо құрылысы қаңтарылып тұр: Бектенов мердігерді ауыстыру қиын емес деп қорқытты

Премьер-Министр Олжас Бектеновке Қосшы қаласын дамытудың бас жоспары табыс етілді. Тұсаукесер барысында Ақмола облысының әкімі Марат Ахметжанов премьер-министрге бірнеше жылдан бері мердігерлердің қаладағы өрт сөндіру депосының құрылысын аяқтай алмай жатқанына шағымданды, деп хабарлайды Orda.kz. 

Келісім бойынша заманауи қондырғылармен жабдықталған нысан құрылысына 1,2 миллиард теңгеге жуық қаражат бөлінді. Арада төрт жыл өтсе де жұмыстың 60 пайызы ғана орындалған.

Мердігер құрылыстың аяқталмай қалуын қаржыландырудың жоқтығымен түсіндіреді.

Оған Олжас Бектенов қосымша қаржы қарастырылмайтынын, тек жобалық-сметалық құжаттамаға енгізілген қаражат шегінде ғана қарастырылғанын айтты.

«Осы бюджет шегінде құрылыс саласыз. Ешқандай баға көтеру болмайды дедім. Қаламасаңыз, басқаларды әкелеміз. Енді осы ақшаға құрылыс жүргізетін мердігерлерді әкелгенімді қалайсыз ба? Қажет болса, ауыстырамыз, «жоқ, біз оны қаламаймыз, бұл ақша бізге жетпейді» дейсіз. Басқаларды табамын, шешемін, бірақ нысан пайдалануға берілуі керек. Құрылысты бітірмесең, әңгіме басқаша болады», – деді Олжас Бектенов. 

Премьер-министр мердігерден жұмысты тезірек аяқтауды талап етір, әйтпесе келісім-шарт бұзылатынын ескертті.

Бүгінгі таңда Қосшыда ресми түрде 59 мыңға жуық адам тұрса, тұрғындардың нақты саны есеп бойынша 100 мың адамнан асады.

30 мың тұрғынға есептелген инженерлік желілерге үлкен жүктеме түсіп отыр. 2038 жылға қарай халық саны 150 мыңға жетеді деп болжануда.

Жаңа бас жоспар аумақты кеңейтуді, жаңартылған функционалдық аймақтарды бөлуді, сондай-ақ инженерлік-көліктік инфрақұрылымды жаңғыртуды көздейді.