Қошмамбет соты: Сотталған полицейлердің туыстары адвокаттарды айыптап отыр

«Әділетті Қазақстан бар деп осы уақытқа дейін айтып келеміз. Мен баламды қанша жыл оқыттым. Елдің қорғаушысы бол дедім. Қорғайды деп сендім. Қорғап келе жатыр деп ойладым. Қаңтар кезінде сіз де, біз де баламызды үйде күтіп отырдық. Өйткені балаларымыз үкіметті қорғады. Қираған мүліктерді қорғады. Жан-жақтан 20 мың террорист келді деп бізді сендірді. Оны сендірген кім? Оны сендірген үкімет. Көз алдымда бүгін балам жазықсыздан жазықсыз сотталып кетті. Мына жерде олардың қорғаушылары 10-20 млн теңге қалтамызға басамыз деп, өздеріне қарама-қарсы айғақ айтты. Бірақ мен баламды осы уақытқа дейін үкімет қорғауында отыр деп есептеймін. Қаңтар кезінде менде жүрдім. Енді әділетсіздікке душар болып отырмыз. Мен қазір ешкімге «балаңызды Отан қоруға жіберіңіз» деп айтқым келмейді», - дейді сотталушының анасы.