«Қош бол, Тина». Канделакидің бренді интернет дүкендерден жоғалып кетті

Тина Канделакиге тиесілі косметика бренді Қазақстандағы интернет-дүкеннен жоғалып кетті, деп хабарлайды Orda.kz порталы.

Ресейлік «Золотое яблоко» сауда желісінің қазақстандық онлайн-каталогынан Тина Канделакиге тиесілі «Ansaligy» косметика бренді өнімдері жоғалып кетті. Сайттан «Ansaligy» маркасы көрінбейтін болып қалған.

Қазақстандықтар Тина Канделакиге тиесілі компания өнімін сайттан алып тастауды талап етіп, өнімді сатып алмауға үндеген.

Еске сала кетейік Тина Канделаки Қазақстандағы темір жол станцияларының атын ауыстыруға байланысты пікір білдіріп, «орыс тілі шеттетіліп жатқаны» жөнінде мәлімдеген.