Қос азаматтығы бар қазақстандық елден шығарылды

Армения азаматтығын алғанын жасырып келген Батыс Қазақстан облысының тұрғыны елден шығарылды.

Бәйтерек ауданының №2 сотында Қазақстан Республикасы ӘҚБтК-нің 496-бабының 2-бөлігімен («Қазақстан Республикасының азаматтығы туралы заңнамасын бұзу») әкімшілік іс қаралды.

«2024 жылдың ақпан айында Қазақстан Республикасынан Ресей Федерациясына мемлекеттік шекараны кесіп өту кезінде шекара қызметкерлері азамат Г.-ның қос азаматтығын анықтады. Ол 2023 жылы Армения Республикасы азаматтығын алған және  заңнамада белгіленген мерзімде шетел азаматтығын алу бұл фактісі туралы хабарламаған » делінген хабарламада.

Сотта ер адам өз кінәсін мойындап, Қазақстан Республикасы азаматтығынан айырылу қажеттілігі туралы білмегенін түсіндірді. Айыппұлды төлей алмағандықтан, айыппұл салмауды өтінді.

«ҚР ӘҚБтК-нің 496-бабының 2-бөлігіне сәйкес, Қазақстан Республикасы заңнамасында белгіленген мерзімде шетел азаматтығын алу фактісі туралы хабарламау – Қазақстан Республикасының Әкімшілік құқық бұзушылық туралы кодексінің 496-бабының 2-бөлігіне сәйкес, Қазақстан Республикасының заңнамасында белгіленген мерзімде хабарлаусыз 200 АЕК, немесе Қазақстан Республикасынан әкімшілік шығарып жіберу көзделген.  Сот қаулысымен Армения Республикасының азаматы Қазақстан Республикасы ӘҚБтК-нің 496-бабының 2-бөлігімен кінәлі деп танылып, Қазақстан Республикасы шегінен шығарылды» деп хабарлады Батыс Қазақстан облыстық соты.

Атап өткендей, қаулы күшіне енді.