«Қоршауға соғылған»: Павлодарда зейнеткер велосипедтен құлап көз жұмды

Павлодарда 69 жастағы әйел веломобильмен қоршауға соғылып, алған жарақатынан көз жұмды, деп хабарлайды Orda.kz. 

Қайғылы жағдай кеше, 6 шілде күні Павлодардың орталық жағалауында болды.

Павлодар облыстық полиция департаментінің баспасөз қызметінің мәліметінше, әйел анасы және үш баласымен бірге төрт дөңгелекті велосипедпен серуендеп жүрген. Ол рөлге ие бола алмай, металл қоршауға соқтығысқан. Құлаған кезде зейнеткер ауыр жарақат алып, оқиға орнында көз жұмды. Қызы мен немерелері ауруханаға жеткізілді. Оқиға бойынша полиция тексеру жүргізіп жатыр.

Облыстық жедел жәрдем станциясының мәліметінше, шақырту 6 шілдеде сағат 23:08-де түскен. 

Еске салайық, маусым айында Павлодар облысында құлаған ағаш бір әйелдің жүрек тұсына қадалып, әйел оқиға орнында көз жұмды.