«Қоршалмаған шұңқыр»: Шымкентте 6 жасар баланың қазасынан соң 2 кәсіпкер қамалды

Шымкентте қоршалмаған шұңқырға құлаған 6 жасар баланың қазасына қатысты 2 кәсіпкер қамалды, деп хабарлайды Orda.kz. 

Тергеу мәліметіне қарасақ, 2024 жылы Тұран-1 шағынауданында кәріз құбыры жарылған. Оны жөндеуге келгендер тереңдігі 3 метрлік шұңқыр қазып тастап кеткен. Уақыт өте келе оған кәріз суы толып кетіпті. Жергілікті билік жұмысқа мердігерді жалдаған. Олар тағы бір компанияға тапсырған. Алайда шұңқыр сол күйі бітелмеген.

Енді 2 кәсіпкер уақытында апаттың алдын алмағаны үшін ұсталды. Олар қауіпті аумақты қоршау және ескерту белгілерін де қоймаған. 

Айта кетейік, сәуір айының ортасында Шымкентте Тұран-1 шағын ауданында 1-сынып оқушысы су толы құрылыс орнындағы қоршалмаған шұңқырға құлап мерт болған еді.