Коронавиурсқа шалдыққан Тоқтар Әубәкіров құлан таза сауығып шықты

2021 жылдың тамызында коронавируспен ауруханаға түскен қазақ ғарышкері Тоқтар Әубәкіров ауруханадан шығарылды.

Бұл туралы Orda.kz елорданың денсаулық сақтау басқармасына cілтеме жасап хабарлады.

75 жастағы Тоқтар Әубәкіров өткен аптада ауруханадан шықты. Ол қалалық жұқпалы аурулар орталығында ем қабылдады. Тоқтар Әубәкіровке орташа ауырлықтағы Covid-19 және екі жақты полисегменттік пневмония КT-1 диагнозы қойылды.

Бұған дейін журналист Жұмабике Жүнісова ғарышкерге қажетті медициналық көмек көрсетілмегенін хабарлаған болатын. Ол сондай-ақ Тоқтар Әубәкіров Президенттің мүлікті басқару бөлімінің емханасына бекітілгенін атап өтті. Кейінірек аурухана оның бастапқыда ауруханаға жатудан бас тартқанын айтты.