Коронавирустың жеңіл түрінің салдары аталды

Коронавирустық инфекциядан кейін орталық жүйке жүйесінің зақымдануы COVID-19 жеңіл түрінде де болуы мүмкін.

Бұл туралы Orda.kz РИА Новостиге сілтеме жасап хабарлады.

Роспотребнадзор орталық эпидемиология ғылыми-зерттеу институты директорының клиникалық-аналитикалық жұмыстар жөніндегі директордың орынбасары Наталья Пшеничнаяның айтуынша, ағзаға мұрын арқылы енетін вирус иіс сезу нервіне еніп, жүйке жүйесінің жасушалары арқылы тарала алады. Коронавирустан кейін орталық жүйке жүйесінің зақымдануы жедел инфекция кезінде жүреді, және бұл жағдай COVID-19-ның ауыр түрінде ғана емес, жеңіл түрінде де байқалады.

Егер вирус адам ағзасына мұрын арқылы енсе, онда ол иіс сезу жүйесіне еніп, одан кейін орталық жүйке жүйесінің жасушалары арқылы таралады.

Сондай-ақ, оның айтуынша, аурудың ауыр түрінде кездесетін оттегі аштығы мидың жұмысына әсер етуі мүмкін.