Коронавирустың жаңа белгісі анықталды

Британдық профессор Тим Спектор коронавирустың жаңа белгісі – науқастардың тырнақтарының жағдайы дейді.

Бұл туралы Orda.kz Lenta.ru сайтына сілтеме жасап хабарлады.

Ғалымның айтуынша, кейбір адамдардағы тырнақтардағы ақ жолақтар, сызықтар немесе ойықтар олардың ауруға шалдыққанын көрсетеді.

Профессор осындай тырнақтардың суретін жариялады. Ол мүйіз қабаты уақыт өте келе қалпына келетінін, бірақ ауру кезінде және одан кейін пластинада өсудің айқын шекарасы сақталатынын атап өтті.

Симптом барлық науқастарда болмайды.

Сонымен қатар, тырнақтардағы сызықтар қызылша, скарлатина, қалқанша безінің аурулары және басқа аурулардың белгілері болуы мүмкін.