Коронавирустық пандемия қашан аяқталатыны белгілі болды

Дүниежүзілік денсаулық сақтау ұйымының Еуропалық аймақтық бюросының басшысы Ханс Клюгенің болжамына сәйкес, коронавирус пандемиясы 2022 жылдың басында аяқталады.

 - Ең қорқыныштысы артта қалды. Біз қазір 2020 жылы вирус алғаш тарала бастаған кезге қарағанда ол туралы көбірек білеміз. Бұл болжам ғана, әзірге ешкім жағдайдың қалай дамитынын нақты айта алмайды, деді ол.

Клюгенің айтуынша, вирус мүлде жоқ боп кетпейді. Бірақ белгілі бір уақытта шектеу шаралары қажет болмайды.

Өз кезегінде ДДҰ басшысы Тедрос Адханом Гебресиес вакцинацияны кейінге қалдырмауға шақырды. Себебі, вирус күн сайын мутацияға ұшырап жатыр, жаңа штамдар шығып жатыр. Вакцинаның еш әсері болмай қалуы мүмкін.

Әлемде 111 миллионнан астам адам COVID-19 инфекциясын жұқтырды, шамамен 2,5 миллион адам көз жұмды.