Коронавирустың пайда болуы туралы жаңа болжам айтылды

Ғалымдар коронавирустық пандемияның пайда болуының жаңа гипотезасын ұсынды.

Бұл туралы Orda.kz хабарлайды.

Зерттеушілер Sars-CoV-2 пандемиясының адамдарға екі рет келіп кеткенін айтты. Бұған 1,7 мыңнан астам вирус сынамаларының талдауы дәлел.

Жаңа зерттеудің авторлары 2019 жылдың соңынан 2020 жылдың ақпанына дейін пандемияның алғашқы кезеңінде Қытайда және басқа елдерде таралған коронавирус геномын зерттеді. Вирустық геномдардың тізбегін Gisaid.org платформасынан көруге болады, онда бүкіл әлемнің зерттеушілері пандемия басталғаннан бері декодталған вирус геномдарын жүктейді.

– Пандемияның басында вирустың А және В сызықтары деп аталатын екі түрлі жолы табылды. Олардың геномдары бір-бірінен ерекшеленді, - деп жазды . Neue Zürcher Zeitung швейцариялық басылымы.

Ғалымдардың айтуынша, егер бұл болжам рас болып шықса, онда бұл зертханалық гипотезаға қарсы нақты дәлел болады. Зертханада мұндай жағдайдың болуы екіталай.

– Вирустың жануарлардан адамға жұғуы - пандемия басталуының шынайы нұсқасы, - деп жазды басылым.