Коронавирустың бесінші толқыны басталды – Олаф Шольц

Германия канцлері Олаф Шольц коронавирустың омикрон штамының таралуына байланысты елде індеттің бесінші толқынының басталғаны туралы ескертті, ол бұрынғыдан да белсенді болуы мүмкін.

– Бесінші толқын келе жатыр. Сарапшылардың пікірінше, бұл штам белсенді. Тіпті екпенің екі дозасын қабылдап, ауырғандар үшін де жұқтыру қаупі жоғары, - деді Германия канцлері Олаф Шольц.

ТАСС агенттігінің хабарлауынша, Германияда коронавирус жұқтырған адамдардың саны аздап азайып келеді. Бұл, Шольцтің пікірінше, қазіргі шаралар қажетті нәтиже беріп жатқанын көрсетеді.

Дегенмен, Омикрон штамының көбеюіне байланысты, Шольц босаңсуға болмайтынын айтты, өйткені бұл нұсқаға қарсы вакциналардың тиімділігі төмендейді. Осы орайда ол ел тұрғындарын алдағы мерекелерде абай болуға шақырды.

Германия канцлері сонымен қатар коронавирусқа қарсы вакциналау науқаны рождество күндерінде де сол қарқынмен жалғасады деп сендірді. Оның айтуынша, қаңтар айының соңына дейін 30 миллионға қосымша екпе алу жоспарлануда.