Коронавирусқа шалдыққан Тоқтар Әубәкіров күтімсіз қалды

Журналист Жұмабике Жүнісова өз Facebook парақшасында Қазақстанның тұңғыш ғарышкері Тоқтар Әубәкіровтың коронавирус жұқтырып, ауыр хәлде жатқаны туралы айтты.

Бұл туралы Orda.kz хабарлады.

— Бұл жазбаны ресми сұрау деп қабылдаіыздар. Covid-19 ауруын жұқтырған Тоқтар Әубәкіров жеті күн бойы дәрігерлер назарынан тыс қалды. Ол (Алексей Цой) басқарған ҚР Президентінің Іс басқармасы клиникасының медициналық көмегінсіз қалды. Осыны түсіндіріп беріңізші? Мен Тоқтар Оңғарбайұлының ерекше жоғары мәртебесі туралы айтып отырған жоқпын. ОНы тіпті мектеп оқушыларына ешқандай түсіндіруді қажет етпейді. ОЛ-ТОҚТАР ӘУБӘКІРОВ! - деді Жүнісова өз жазбасында.

Ол денсаулық сақтау министрі Алексей Цойдан ресми жауаптан бөлек, Тоқтар Әубәкіровтың толық жағдайы туралы айтуын талап етті.

— Сізден қойылған сұраққа тек ресми жауапты ғана емес, сонымен қатар қазіргі уақытта Тоқтар Оңғарбайұлы қайда, қай клиникада орналасқандығы, медициналық көрсеткіштер қандай, қандай талдаулар жүргізілді, қандай тағайындаулар жасалды - бір сөзбен айтқанда, мейірімді болыңыз, Қазақстан халқына, бүкіл қоғамға оның денсаулық жағдайы туралы толық ақпарат беруді талап етемін. Жауапты созбаңыз, - деді сөз соңында.