Коронавирус зертханада қолдан жасалған

Әлемге тараған коронавирус жұқпалы ауруы зертханада қолдан жасалған, деп хабарлайды Orda.kz Информбюроға сілтеме жасап.

Америкалық ғалымдар екі жылдық зерттеу нәтижесін жариялады. Олар COVID-19 вирусының табиғатта жоқ биологиялық сипаттамасы бар екенін мәлімдеді.

COVID-19 вирусы тараған кезде «коронавирус Қытайдың Ухань қаласындағы зертханадан шыққан болуы мүмкін» делінген. 2019 жылы бұл ауру пайда болмай тұрып Ухань зертханасының қызметкері күзде Covid-ке ұқсас инфекциямен ауырған екен.

Алайда, Қытай билігі коронавирустың зертханалық жолмен жасалғанын жоққа шығарып отыр.

2020 жылы бұл жұқпалы дерт әлем бойынша таралған еді. Әлемде жаппай пандемия жарияланған. Дүниежүзілік денсаулық сақтау ұйымының статистикасына бойынша, қауіпті індеттен 4 миллионға жуық адам қайтыс болған.