Коронавирус пен пневмониядан бір тәулікте 78 адам қайтыс болды

Денсаулық сақтау министрлігі Telegram-каналында бір тәулікте коронавирус пен оның белгілері бар пневмониядан қайтыс болған науқастарға қатысты мәлімет жарияланды.

Мәліметке  сәйкес, 18 шілдедегі жағдай бойынша, бір күнде COVID-19 инфекциясынан 65 адам қайтыс болып, 2 038 адам індеттен жазылып шыққан.

Қазір 61 627 адам коронавирус инфекциясынан емделуде, олардың ішінде 18 836 пациент стационарда, 42 791 науқас амбулаториялық деңгейде ем қабылдауда. 1 130 адамның жағдайы ауыр болса, 244 пациенттің жағдайы өте ауыр, 162 науқас өкпені жасанды желдету аппаратында жатыр.

Коронавирустың жаңа толқынының  ең қауіпті екенін  президент те атап өткен болатын.

 — Коронавирустың жаңа толқыны ең жойқын болып отыр. Соңғы күндері жүздеген азаматымыздан айырылып қалдық. Әр өңірде ауруханаға түскен науқастардың саны күрт көбейді. Жансақтау бөлімдерінің барлығы іске қосылды. Қосымша дәрі-дәрмек пен құрал-жабдық сатып алынды. Еліміздің әр азаматына айтарым: денсаулықты сақтаңыздар, туған-туыстың, отбасының амандығын ойлаңыздар! Ал, үкімет пен өңір басшылары белгіленген міндеттердің бәрін мінсіз атқаруға тиіс, - дейді мемлекет басшысы.