Коронавирус екпесі әлемге жаңа 9 миллиардер әкелді

Вакциналау әлемдік деңгейде басталғалы бері  9 жаңа миллиардер пайда болды. Олардың жиынтық пайдасы $19,3 млрд болып отыр.

Бұл туралы Қазақстан Үкіметі жанындағы коронавирустың таралуына жол бермеу жөніндегі ВАК жұмысының   телеграм арнасы хабарлады.

Ең көп табыс тапқан Мoderna және BioNTech басшылары.

Сонымен екпеден байыған миллиардерлер:

• Moderna компаниясының бас директоры Стефан Бансель — $4,3 млрд;

• Немістің BioNTech  компаниясының жетекшісі Угур Шахин — $4 млрд;

• Moderna құрылтайшысы, иммунолог Тимоти Спрингер — $2,2 млрд;

• Moderna директорлар кеңесінің төрағасы Нубар Афеян — $1,9 млрд;

• Moderna вакцинасына арналған қораптар шығарушы ROVI компаниясының төрағасы Хуан Лопес-Бельмонте — $1,8 млрд;

• Moderna компаниясының инвесторы, ғалым Роберт Лангер — $1,6 млрд;

• Қытайлық CanSino Biologics фармкомпаниясының бас ғылыми қызметкері, әрі тең құрылтайшысы  Чжу Тао — $1,3 млрд;

• CanSino Biologics компаниясының бірінші вице-президенті, әрі тең құрылтайшысы  Цю Дунсу — $1,2 млрд;

• CanSino Biologics компаниясының вице-президенті, әрі тең құрылтайшысы Мао Хуайхуа — $1 млрд.

Жоғарыда атап өткендей, тоғыз жаңа миллиардердің жалпы байлығы 19,3 миллиард долларды құрайды, бұл кедей елдердегі барлық адамдарға толық вакциналауға жеткілікті.

Ресейдің Дүниежүзілік денсаулық сақтау ұйымының өкілі Мелита Вуйнович сәуірдің ортасында коронавирустық вакциналардың 87% -дан астамы орта немесе жоғары орта деңгейлі елдерде, ал табысы төмен елдер дозаның тек 0,2% алғанын хабарлады.