ДДCҰ коронавирустан құтқаратын дәріні атады

Дүниежүзілік денсаулық сақтау ұйымы (ДДСҰ) коронавирус жұқтырған науқастарды емдеу арналған әдістердің жаңартылғанын жариялады.

Бұл туралы Orda.kz хабарлайды.

Ұйым ауыр науқастардың өмірін сақтайтын интерлейкин-6 рецепторлары блокаторларын тізімге енгізді. Дүниежүзілік денсаулық сақтау ұйымы өткен қыркүйекте кортикостероидтарды қолдануды ұсынғаннан бері коронавирусқа қарсы алғашқы тиімді ұсыныс интерлейкин-6 рецепторларының блокаторлары екендігін айтты.

COVID-19-дан иммундық жүйенің шамадан тыс зардап шегетіні белгілі. Интерлейкин-6 дәрілері бұл шамадан реакцияны төмендетеді.

– Бұл дәрі-дәрмектер коронавирус жұқтырған жағдайы ауыр науқастарға үміт сыйлайды. Бірақ интерлейкин-6 рецепторларының блокаторлары әлемнің көптеген елдері үшін қол жетімді болмайды. Біз мұны жедел түрде өзгертуіміз керек, - деді Тедрос Аданом.     

Бұған дейін ДДСҰ басшысы пандемияның өте қауіпті кезеңі басталғанын жариялаған болатын. Оның айтуынша, қазір вируспен күресетін вакциналары бар мемлекеттер шектеулерді жеңілдетіп жатыр.