Алматыда үнділік штам жұқтырған екінші адам анықталды

Алматыда тағы бір адамға коронавирустың «үнділік штамы» диагнозы қойылды.

Қалалық денсаулық сақтау департаментінің орынбасары Лаура Мырзағалидің қатысуымен өткен онлайн брифингте үнділік штамды жұқтырған екінші адам анықталғаны айтылды.

Бұл туралы Orda.kz хабарлайды.

— Қазір бізде коронавирустың үнді штамын жұқтырған тек екі адам бар. Бұл менің ойымша 1983 жылғы әйел және 2013 жылғы бала. Екеуі де жұқпалы аурулар ауруханасында.

Үйдің басқа мүшелері ауырғаны туралы әзірге ақпарат жоқ, - деді ол.

Айта кетейік, бұған дейін науқастың үй шаруасындағы әйел екендігі хабарланған болатын.