Король өлімі әлі расталмады

Букингем сарайы болған жайтты жоққа шығарды, деп хабарлайды Orda.kz порталы.

«Ұлыбритания королі III Чарльздің қайтыс болғаны туралы БАҚ пен әлеуметтік желілерде пайда болған ақпарат шындыққа сәйкес келмейді. Монарх тірі және қызметтік міндеттерін орындауды жалғастыруда» деді Букингем сарайы.

Бұл ақпаратты Ресейдегі Ұлыбритания елшілері де мойындамады.

«Король III Чарльз 17 наурызда қайтыс болды» деген дақпырт ақпарат бірқатар ресейлік БАҚ пен Telegram арналарда пайда болған-ды. Жарияланымдар Букингем сарайының ресми мәлімдемесінің скриншотымен бірге жүрді. Алайда, британдық БАҚ мұндай хабарларды жарияламағанын мәлімдеді.

Тілге тиек етсек, биыл ақпан айында 75 жастағы ІІІ Чарльз қатерлі ісікке шалдыққаны мәлім болды. Дәрігерлер ІІІ Чарльз-ға көпшілік шараларды кейінге қалдыруға кеңес берді. Патша «тұрақты емделе» бастады. Қазір ол ресми іс-шараларға тұрақты қатыспаса да, сарай ішіндегі жұмыстарды атқарып жүр. 

Монарх қайтыс болған жағдайда «Менай көпірі» деп аталатын жоспар әзірленеді. Елдегі билік тақ мұрагері ханзада Уильямға беріледі.

Сондай-ақ, монархтың 17 наурызда өлгені туралы ақпаратты ресейлік БАҚ-тар жариялаған деген мәлімет тарауда.