Көркею мен тазалыққа жауапты кәсіпорынның басшылары сотталды

«Алматы тазалық» және «Қала көркейту» кәсіпорнының басшылары сотталды.

Бұл туралы Алматы қаласы Медеу ауданының соты хабарлады.

«Алматы тазалық» ШЖҚ МКК директоры А. Тоқтасынов пен С. Байжанов «Қала көркейту» ЖШС жеке компаниясының директоры жемқорлық фактісі бойынша сотталды. 

«Тоқтасынов Алматы қаласының көшелері мен тротуарларын күтіп ұстау бойынша қосымша қызмет шарттарын жасасқаны және орындалған жұмыстар актілеріне қол қойғаны үшін кәсіпкерден 2,7 млн теңге сомасында пара алды», - деді қалалық сот.

Сот үкімімен Тоқтасыновқа 81 млн теңге сомасында айыппұл, Байжановқа – 3 жыл және 6 ай бас бостандығынан айыру жазасы тағайындалды. 

Сот актісі заңды күшіне енген жоқ.