Кореяда қылмысты болмай тұрып болжайтын нейрожелі жасалды

Корейлік ғалымдар қылмыстарды 82.8% дәлдікпен болжай алатын Dejaview атты бірегей нейрожелі жасап шығарды, деп хабарлайды Orda.kz.

ЕurekАlert порталының мәліметтеріне сүйенсек, жүйе адамдардың жүріс-тұрысын, тәулік уақытын, орналасқан жерін және бұрынғы оқиғалар мәліметтерін талдай отырып, қауіп-қатерлерді алдын ала анықтайды.

Ерекше әсер қалдыратыны – нейрожелінің қайталанған қылмыскерлердің ойларын «оқып», қылмысты ерте кезеңде тоқтату мүмкіндігі. Қазіргі таңда Dejaview кейбір әуежайларда, зауыттарда және адамдар көп жиналатын орындарда іске қосылған.