Қордай ауданында сел салдарынан шаруалар зардап шекті

Қордай ауданының Бетқайнар ауылдық округінде қатты жаңбыр салдарынан таулы жерлерді су басып, сел жүрді.

Бұл туралы Жамбыл облысы әкімдігі хабарлады.

«Жақын маңдағы елді мекендерге қауіп жоқ. Жеке аула аумақтарын, сондай-ақ, тұрғын үйлерді су басу фактілері тіркелмеді. Шаруалардың айтуынша, "Береке" ШҚ аумағынан 671 бас ұсақ мал мен 10 бас жылқы суға ағып кеткен» деп мәлімдеді әкімдік. 

Оқиға орнына жергілікті атқарушы органдар мен өңірлік төтенше жағдайлар департаментінің 18 қызметкері мен 6 бірлік техникасы шығып, төтенше жағдай салдарын жою бойынша жұмыстар атқаруда.