Көпбалалы ананың үстінен қылмыстық іс қозғалды

Қызылорда облысында белсенді, көпбалалы ана Сандуғаш Тұрлыбекова ұсталды, деп хабарлайды Orda.kz порталы.

Қызылорда облыстық полиция департаменті Тұрлыбекованың үстінен қылмыстық іс қозғалғанын және тергеу жүріп жатқанын хабарлады,  басқа ешқандай ақпарат жариялаған емес.

Айта кетейік, Сандуғаш Тұрлыбекова 2020 жылы Қазнетте хитке айналған видеоны түсірген болатын. Кадрларда әйел сол кездегі Қызылорда облысының әкімі Гүлшара Әбдіқалықованың қызметтік көлікке қалай мінетінін көрсеткен. Ол белсенді шенеуніктің кесірінен жол жабылып, қоғамдық көліктердің жүруіне шектеу қойылғанына шағымданады.